مصيرك بالهوى مجهول

/

\

/

يقولو العشق للمحبوب إلا انته تبي حُبين ----------
---------- ولو كنت أعرفك جاهل دروب الحب ما تهوى
وانت اللي فنون الحب تدرسها بغمزة عين ----------
---------- تعلمنا الوفاء منك ونبض الشعر والشكوى
علامك يا قمر حاير تغطي النظرة بالجفنين ----------
---------- تذكر أمس يوم انك تقول انت الذي أهوى
تعال ولامس اشواقي لعل الشوق له تحكين ----------
---------- فداك العمر وسنيني فداك النبض والسلوى
بعيش الحب بك قصة تُدَرس في زمان وحين ----------
---------- تصير المرجع لعاشق على الأحزان يتقوى
تعالي حسي نبضاتي ولمسة يد عالخدين ----------
---------- ترى المشتاق ما يقوى أبد عالبعد ما يقوى
مصيرك بالهوى مجهول هو محبوب والا اثنين ----------
---------- عذاب الحيرة يا قلبك يعيش هموم ما تسوى
أبي منك كلامِ زين أحبك والا هو تحبين ----------
---------- كفايه تعلق اشواقي كفى دام الهوى يطوى
قالوها العشق للمحبوب وأنت اللي تبي حُبين ----------
---------- ترى المشتاق ما يقوى أبد عالصد ما يقوى
/
\
/
علي آل زين