2011/05/25
2010/08/06
السلام عليكم .. انسخوا الرابط وحطوه جواب .. مع جزيل الشكر .. http://www.youtube.com/watch?v=IFq9cjtrWlQ&feature=channel
السلام عليكم .. انسخوا الرابط وحطوه جواب .. مع جزيل الشكر .. http://www.youtube.com/watch?v=IFq9cjtrWlQ&feature=channel
2010/06/25
2010/06/16
يا ملاك
يا ملاك طايره وسط الغمامي ---
--- بلغي ذاك الغريب عني تحيه
بلغيه اني على الذكرى دوامي ---
--- ما نسيته رغم ما فيني نسيه
وقطفيله كم خزامى من غرامي ---
--- قولي لا ما هي ابد ما هي هديه
زهرتين مغلفه بشوقي وهيامي ---
--- شوقنا عطره كما الزهره زكيه
من بعدنا والهوى شوقه أمامي ---
--- لو تكلم صاحني صيحه قويه
قال أنت بخير معه الود ظامي ---
--- قلت إيهن أبشري يا شوق خيه
هذا انا ياخوك انا برسل سلامي ---
--- وأعتذرلك عن غيابي مو بديه
الغياب اللي مثل سيل إنتقامي ---
--- شلني سيله عن اللقيا بليه
وأعتذر لك يوم أنا يخطي كلامي ---
--- وإلا قصدي ما تخطيني خطيه
أنت فاهم مقصدي وتفهم مرامي ---
--- من عرفتك وأنت تفهمها نديه
صافي النيه وفيك الطبع سامي ---
--- ذي طبايع ما تسايرها الدنيه
من علومك كنت أنا جامع علامي ---
--- في خيالي أنتي مثل أنتي شذيه
لا تقولي وش علامي وش علامي ---
--- أنتي من فكرك تعرفين القضيه
كنت انا كالنجم عالي ولي مقامي ---
--- في فعولي ما عرفت النرجسيه
وحترامي عندي ناسي في تنامي ---
--- كلهم يدرون وش ليه وعليه
لي مبادي كم رموها بالسهامي ---
--- ما يصيب السهم مني لو شظيه
لي حصونٍ لو شديد الوقت ضامي ---
--- من يدك الحصن والاركان نيه
والملام اصبح ويمسي في ملامي ---
--- والنوايا في حروبي كالمطيه
انتصر في حرب يهنيني خصامي ---
--- ذي خصومي ما يبون الا الرديه
لين جاني الليل ونا بحلم ومنامي ---
--- شفتها تقبل تلوح بالأذيه
افتهمت انه بدا يفلت زمامي ---
--- وان مثلي ما بقى منهم بقيه
وانتخيت بزاويه عامٍ وعامي ---
--- أرثي من قلبي علوم الشاذليه
اعتذرلك جيت ابرسلك سلامي ---
--- فاض لك همي وهمي لي هويه
أنت فاهم مقصدي وتفهم مرامي ---
--- من عرفتك وأنت تفهمها نديه
علي آل زين
2010/05/11
تيار الطباع !
اعـذريني لا كفرته الغـــرام اللي تبين ---
--- ايه كافر والله كافر بالخـيانه والخـداع
ما هو كيفك لو قبلتي او رفضتي تعذرين ---
--- انكشف زيف المحبة واختفى ذاك القناع
ايه مقبل لا لا مقبل مره غيمه ومره طين ---
--- من يعانق غيم حبه كيف يرضى ذل قاع
والغريب ان البدايه مثل منتي تعرفين ---
--- يومه أقبل قلبك اللي قال انا كلي ضياع
احتويتك بالمعاني لجل ألململك سنين ---
--- وانتشل منك الجروح اللي تصورك انطباع
مرت الأيام عدت وانتفى ذاك الآنين ---
--- كل حزنك في وجودي اليوم ما له اي داع
من حنيني ما عطيتك الا لجل تسافرين ---
--- من مطار الدمعه يللي في عيون الجرح شاع
ما نويت اقبل مقابل في دروسي تسلمين ---
--- كان عطفي لجل عطفي ما نويت الانتفاع
قلتي لا ما هو غريبه منّك أنته يالعوين ---
--- كم احاول ما احبك تبقى لي نور وشعاع
والهوى ينزع بقلبي وأغصبه يبقى سجين ---
--- لين عيا يحتملني ينزع القلب انتزاع
قلت مرحب بالخفوق اللي تصورته ظنين ---
--- من كثر ماني رعيته صرت كني عنه راع
يا هلا بك يا هلا بك عد ما فيني حنين ---
--- للهوى اللي قد بنيته في سهول الإمتناع
سارت الآمال سارت والهوى تحفظه عين ---
--- لين بدلت المعاني وكل ما في القلب ضاع
اختزلت الهم فيني وارتويت اشرب آنين ---
--- واحجز الاقدار وارحل عن حدودك للوداع
لين أرسلتي قناعك تسألي وين أنت وين ---
--- جاك ردي في بساط الشعر بْهجوم ودفاع
ما نسيتك ما نسيتك وانا أظنك تذكرين ---
--- لما برهنتي اشتياقك جيت انا كلي انصياع
منكر اللحظات يللي كنا فيها مغرمين ---
--- من عطايانا المحبه كل يومن في ارتفاع
غير طبعك ذاك طبعك عاد مثل اول يشين ---
--- عانك الله رغم جرحي لا تِعْودْ للضياع
نلتقي في بحر ذكرى او بحلم الياسمين ---
--- وان تلاقينا كأنا في زمن مبيوع وباع
احضني طرفي بعينك واطرفي دمعه بعين ---
--- وان تهيج موج دمعي ارفع بقلبك شراع
اعتذر لي قول آسف لا تقبلها اليدين ---
--- واركب الذكرى وسافر عكس تيار الطباع
واذكريني في كتابك في دواوين السنين ---
--- ما خدعتك يوم لكن ما تحملت الخداع
/
/
علي آل زين
آه جدة !
آه جده والجرح صاب مجراه ---
--- يا كود جرحٍ صابني في قراري
ذي حبها فيني عميق معناه ---
--- وآه كمٍ آه غطت كل داري
لو حبها بيسري كنت مسراه ---
--- كان اعرجتني ولو كنت ساري
جانا المطر جانا هل بلواه ---
--- وعيدنا عزّا لي فقد جاري
يا سيل ما ينسى كود ممشاه ---
--- ارفق ترى سدو عليك المجاري
الخاين اللي أكل كل ماجاه ---
--- واودعو للناس بيت انتحاري
خذ صكك اللي شريت مبناه ---
--- اجمل مخطط ولا تحتك مجاري !!
وجانا هاليوم ومحد ينساه ---
--- مأساة سيل وفيه كل طاري
هذيك أم تقول ابني ملقاه ؟ ---
--- وذاك أب يقول لحقوا صغاري
وبنت صاحت حيل ابوي يماه ! ---
--- ماتوا وانا وحدي في دياري
ويا كم ولد شاف اهله ترجاه ---
--- من دون حيله والسيل جاري
يالله وش احكي واقول مأساه ---
--- حسبي على من خان هالحواري
وآه جده والجرح صاب مجراه ---
--- يا كود جرحٍ صابني في قراري
ذي حبها فيني عميق معناه ---
--- وآه كمٍ آه غطت كل داري
علي آل زين
مجاراة ودفاع عن الحجاب
يابندر الاخبار لو تعطيك ما يجري ---
--- بيشيب فيك الفكر ان هو صابها
صحيح هي بلوى والناس ما تدري ---
--- عن قايلٍ فتواه والدين ما جابها
طنطاوي باع الدين لعيونه العبري ---
--- يعيب عالعفه وكيف ذا احجابها؟
وش خلا للاعلام في خبثه العصري ---
--- كم حاربوه الدين بسنته واكتابها
لا تنكر المنكر والعرف لا يسري ---
--- علمنه وجابوها ملعونه احبابها
والناس صدوها واولهم المصري ---
--- قالوها ذا منكر والدين بحجابها
علي آل زين
الاشتراك في:
الرسائل (Atom)